Bo por uza e pakete di lès pa kualke prinsipiante digital ku ke siña mas tokante nan telefòn mòbil(smart) òf tablet. E ta hèndi si e partisipantenan tin nan mes telefòn mòbil(smart) òf tablet i trese esaki huntu ku nan.

Pa loke ta trata idioma, nos a pruba skirbi e aplikashonnan i e materialnan di enseñansa mas aksesibel posibel. Nos a purba di uza mas tantu posibel idioma B1, pero DigiHandig por ta reto pa hendenan ku no tin hopi komprendementu di alfabetisashon òf un konosementu limitá di e idiomanan.

E pakete di lès ta ofresé materialnan manera:
- Manual pa supervisornan
- Presentashon pa lès
- Buki di lès pa partisipantenan
- DigiHandig bingo

Bo por kuminsá mesora. Nos ta rekomendá e siguiente rekisitonan:
- Un empleado òf boluntario ku por organisá un lès
- Un sala ku un pantaya grandi kaminda por mustra e presentashonnan
- Un grupo di 3 pa 20 partisipante
- Un printer disponibel pa, entre otro, print e lès buki òf materialnan promoshonal

Ademas di bon kontenido di lès, e pakete di enseñansa ta enfoká tambe riba dibertishon i motivashon. Nos ke pa siña tokante e mundu digital ta dibertido! Ademas, e aplikashon di DigiHandig ta wòrdu uza den klas.

Partisipantenan ta praktiká riba nan mes aparato i por sigui praktiká fásilmente na kas. Praktiká den un ambiente seif riba nan mes aparato ta sigurá ku hende ta bira mas familiar ku nan aparato. Partisipantenan literalmente i figurativamente ta hiba e lèsnan kas ku nan..